Ra cittara zeneize 1636/Ballin, se ra tò nobile Maxinna

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Dro Pê Gioxeppe Giustignan

Ballin, che matto sato tutt'asseme→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR PIER GIUSEPPE GIUSTINIANO. Ballin, se ra tò nobile Maxinna Ogni dì chiù se doce à ri tuæ chienti; E sen de maraveggia ri tuoe stenti A ra Cittæ, à ro bosco; à ra marinna, Dimme chì à ra tò cittara divinna Ha dæto così teneri lamenti, Da fà stupi ro Ce con ri elementi; Da mandà ra sò Muxica in rovinna? No te ri han dæti Per'antogno, ò Poro, Che da tì à lo gh'è quella deferenza, Ch'è da un motto de neive à un motto d'oro. Amo fuoi le, dro qua tì nì n'è sensa, Forsi per date un poco de rescioro, Che se ne posse perde ra semensa!

RISPOSTA. Giustignan quella venna sì latinna, Chi me dava ri versi sì correnti, Quando re Muze à tutti ri momenti M'abbondavan ro læte de gallinna, Da che Amo pe ra barba me strassinna, Conossio ch'à n'è chiù pe ri me denti, Che à fa quatorze versi ruzzenenti, Tiro quattorze votte ra borinna. Anzi ri versi; ond'oura me rescioro, Son come tenti tiri de partenza, Da manda ro meste tosto in forloro. Vuoi, c'han re Muze in tanta reverenza Che poei, che savei rezere in decoro Noette, e dì fæne, à cuinto de conscensa.