 |
Questa pagina a no l'è stæta corretta. | |
RISPOSTA.
Giustignan quella venna sì latinna,
Chi me dava ri versi sì correnti,
Quando re Muze à tutti ri momenti
M'abbondavan ro læte de gallinna,
Da che Amo pe ra barba me strassinna,
Conossio ch'à n'è chiù pe ri me denti,
Che à fa quatorze versi ruzzenenti,
Tiro quattorze votte ra borinna.
Anzi ri versi; ond'oura me rescioro,
Son come tenti tiri de partenza,
Da manda ro meste tosto in forloro.
Vuoi, c'han re Muze in tanta reverenza
Che poei, che savei rezere in decoro
Noette, e dì fæne, à cuinto de conscensa.
