Ra cittara zeneize 1636/Ballin, che matto sato tutt'asseme

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Zane Michê Zoagi

L’Anno, che ancuoe pá un morto da cuxí→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR GIO. MICHELE ZOAGLI. Ballin, che matto sato tutt'asseme Hæto moæ fæto? de pescou soda; Fa rolli, e artagiarie strassina, In cangio de fa nasse, e menna remme. Ra fortunna per tì pa chi se spremme Voggiandote à ogni muoeo immortala; Perche no canti tù dra nostra arma Re campagne lasciando, e re maremme? De Zena re vittoerie, e ra rovinna Dri suoe nemixi te daran chiù onoi Che nò te darà moæ ra tò Maxinna. Onde sæ ra tò Muza chì frà nuoi Com'in Ferrera zà quella divinna Chi cantà così ben d'arme, e d'Amuoi.

RISPOSTA Zoaggi visto che in atro Amò no premme Dæto ch'ò pigie un osso à roziggia, O per di meggio un homo à consuma Che in rompighe ro collo tutt'assemme. Doppo havei fæto cameradda insemme Gran tempo nomoæ senza leppega, Levei man per levame da prega Chiù cancari in mæ vitta, e chiù giastemme. Chiantei versi de boschi, e de marinna, Anzi vegnuo re guerre, e ri forui Baratei ra chitarra in ra squarsinna. Canta dunca dre arme ri rumuoi Zoaggi vuoi c'hei ra cittara argentina Se nissun ro puoe fà ro poei fa vuoi.