Ra cittara zeneize 1636/Se Ballin piggia in man ro sigorello

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Luçian Borzon

L'anno, chi ne pareiva unna Trattuga→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR LUCIANO BORZONE PITTORE. Se Ballin piggia in man ro sigorello, PerchE Maxinna se scrolle re pruxe, Và à pe casi ra muxica dro Duxe; Ogni sunou ghe perde ro servello. Se Ballin suoenna subito ogni oxello Per vuoeggia de sentiro se descuxe; Ogni pescio intre l'egua pa che bruxe, Deven ro lovo un mansueto agnello. Mà oura per fa cose chiù stupende Canta à ro Castellasso unna canson Caro Ballin, e levane da spende. Perche inteizo ri sassi ro tò son Faran à Zena muraggie chiù grende E chiù bonne de quelle d'Anfion.

RISPOSTA Se Borzon dà de man à ro pennello, Per da com'à ra Stampa, e mette in luxe Schissi, e designi ò d'ombra, chi straluxe, O de corpo, chi spicche à ro livello. L'oeggio in accopiane ro modello Ghe resta lì de statua, e se ghe cuxe, E scandaggiou ro verso dra sò luxe, O ri giudica intaggi de scopello. Son de parei, che chi voresse attende Con muraggie à postisso de carton A ro Duca unna chiappora à bon rende, Chì re fesse depenze da Borzon, Senz'atro ò se trareiva da contende, Con giudicare à botta de canon.