 |
Questa pagina a no l'è stæta corretta. | |
RISPOSTA
Se Borzon dà de man à ro pennello,
Per da com'à ra Stampa, e mette in luxe
Schissi, e designi ò d'ombra, chi straluxe,
O de corpo, chi spicche à ro livello.
L'oeggio in accopiane ro modello
Ghe resta lì de statua, e se ghe cuxe,
E scandaggiou ro verso dra sò luxe,
O ri giudica intaggi de scopello.
Son de parei, che chi voresse attende
Con muraggie à postisso de carton
A ro Duca unna chiappora à bon rende,
Chì re fesse depenze da Borzon,
Senz'atro ò se trareiva da contende,
Con giudicare à botta de canon.
