Ra cittara zeneize 1636/L'anno, chi ne pareiva unna Trattuga

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Luçian Borzon

Ballin, dro nostro Ma primmo Pescou→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR LUCIANO BORZONE PITTORE. L'anno, chi ne pareiva unna Trattuga, Veghemmo ch'ò caminna così forte, Che l'è de l'atro Mondo sciù re porte Staseira ò se nè và zù pe ra bruga. E deman, sens'havei nissunna ruga, Refrescou ri Coroi dre masche smorte, O ven de noevo à desfia ra Morte E Garsonetto, è tenero com'Uga. Mà sè che l'è Ballin staghe à discorre Son tutte rolle, son tutti nescioi, L'è ben strenze re spalle, e lascia corre. A Tì rè tuoe Cansoin fan tenti honoi, Che se foisse Ma grosso come torre Anno nisun per Tì nò puoe mori.

RISPOSTA L’anno che con re boffe de leituga Quattro dì fà sbaffava dra sò sorte; E ancuoe con ro baston per contraforte Ra barba, e ri mostassi ò se giassuga; O mostra che ro Mondo n'alleituga Quando à fondase in le pa ch'o n'exorte, Che le da nescio se governa à sorte, Siben con ro so bello ò n'abbarluga. Savio Vuoi che per fa ch'ò nò ve smorre, Borzon, puei con ra famma dri coruoi Ri secoli dri secoli trascorre; Mì che canto in zeneize quattro Amuoi, Come posso scappa de nò gh’incorre? Questi, in pensaghe, son ri me doruoi!