Ra cittara zeneize 1636/Me pa che caze in pé come ri gatti

Da Wikivivàgna
Ra cittara zeneize de Gian Giacomo Cavallo
Amoî Servî
Zena, Gioxeppe Pavon, 1636
In corscivo e ligatue. Gh'amanca i acenti aguççi.


[p. 53 modifica]

Me pa che caze in pe come ri gatti
Quando veggo Zaninna, e ro me grou
Manco nò cangieræ con l'Imperou;
Son chiù ricco, e contento che ri matti.

Me sento in corpo fa mille sciaratti
Ro Cuoe, come fa un matto desligou;
Se nò son lesto, un dì son vergognou,
Fasso per Zena quarche desbaratti.

Giexo (digho tra mì tutto sospeizo)
Sonne in cascia, o pù son fuoe de mie?
Ella donna, ò retræto de pareizo?

Le, chi væ che me segno à se ne rie,
E se parte, e me porta via de peizo,
Se ben resto de statua bello lie.