Ra cittara zeneize 1636/Lavá ra testa à l'Aze; scigorá
| ←torna a l'èndexo | Ra cittara zeneize de Amoî Servî |
Cari boschi: ombre care, e retiræ→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Lava ra testa à l'Aze; scigora
Quando ri buoe n'han vorentæ de beive;
Aspeta che à ro So cresce ra neive;
Mettese à pesta l'ægua intro morta.
Porta legne à ri boschi, ægua à ro Ma;
Ro vento in rè spera de poei receive;
A meza Stæ desidera che neive;
Vorei senz'are mettese à sgora.
Semena nell'arenna: l'ægua accoeggie
In cavagno, ò panne; spera de vei
L'uverno verde; Mazzo senza foeggie.
L'è come ro spera, me cuoe, d'havei
Da ra nostra Zaninna atro che doeggie,
Chi è nassua per nò dane un piaxei.