 |
Questa pagina a no l'è stæta corretta. | |
Me pa che caze in pe come ri gatti
Quando veggo Zaninna, e ro me grou
Manco nò cangieræ con l'Imperou;
Son chiù ricco, e contento che ri matti.
Me sento in corpo fa mille sciaratti
Ro Cuoe, come fa un matto desligou;
Se nò son lesto, un dì son vergognou,
Fasso per Zena quarche desbaratti.
Giexo (digho tra mì tutto sospeizo)
Sonne in cascia, o pù son fuoe de mie?
Ella donna, ò retræto de pareizo?
Le, chi væ che me segno à se ne rie,
E se parte, e me porta via de peizo,
Se ben resto de statua bello lie.
