Ra cittara zeneize 1636/Doppo havei tutta nuoette tempestou

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Mainæschi

Oh' che Stelle, oh' che Ce: che má de læte→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Doppo havei tutta nuoette tempestou
Con ra fossina in man dentra Marinna
E combattuo con l'ægua e con ra brinna
Povero sciabegotto desperou,

Sciù ro schiatta dro dì m'è capitou
A ra fossina à caxo questa ombrinna;
Oh' quanto intro me cuoe bella Maxinna
Tosto inpensando à tì n'ho giubilou;

Cosi dentr'esto povero Cestin,
In quest'areghe fresche refreschæ
Da re lagrime me seira, e mattin,

Te ne fasso un prezente; haggi pietæ,
Te prego dro me ma, chi è senza fin,
Chi moveræ ri sassi à caritæ.