Ra cittara zeneize 1636/Donna, serpente de l'inferno crua,
| ←torna a l'èndexo | Ra cittara zeneize de Amoî Çivî |
Donna, quando m'appenso c'haggie havuo→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Donna, serpente dell'inferno crua,
Uscia da ro profondo dell'abisso,
Per metteme à sbaraggio e in compromisso
L’annima in terra pe ro Ce nassua.
Donna, à ro mondo, posso di, vegnua,
Come Domenende forsi ha permisso,
Per tormentame, e fame in breve schisso
Ro retræto d[']un'annima perdua.
Zà che re mæ pecchæ m'han condannou
A cosi agra, e dura penitensa,
De prega sempre un marmaro incarnou.
Sbatto terra à ra fin dra patiensa,
E de tanti sospiri, c'ho buttou
Ve demando ra morte in recompensa.