Ra cittara zeneize 1636/Donna, quando m'appenso c'haggie havuo
| ←torna a l'èndexo | Ra cittara zeneize de Amoî Çivî |
Con questo cuoe chiù morto assæ, che vivo→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Donna, quando m'appenso c'haggie havuo
Fin chì con vuoi così cattiva sciorte
Sento vegnime ri suuoi dra morte,
Giastemmo l’hora quando son nassuo.
Con tutto questo dæto, e rebattuo,
Se torno à vei quelle beneite porte,
Me sento chiù che moæ gagiardo, e forte,
Me poæro in quello puinto renassuo.
Poco prima con veime intre tenaggie:
Veime trattou da vuoi pezo che un can,
De vuoi n'haveræ dæto intre muraggie.
Tornou che son in mì, tocco con man
Che va poco che sbatte, e che m'arraggie.
C'ho bezuoegno de vuoi chiù che de pan.