 |
Questa pagina a no l'è stæta corretta. | |
Donna, quando m'appenso c'haggie havuo
Fin chì con vuoi così cattiva sciorte
Sento vegnime ri suuoi dra morte,
Giastemmo l’hora quando son nassuo.
Con tutto questo dæto, e rebattuo,
Se torno à vei quelle beneite porte,
Me sento chiù che moæ gagiardo, e forte,
Me poæro in quello puinto renassuo.
Poco prima con veime intre tenaggie:
Veime trattou da vuoi pezo che un can,
De vuoi n'haveræ dæto intre muraggie.
Tornou che son in mì, tocco con man
Che va poco che sbatte, e che m'arraggie.
C'ho bezuoegno de vuoi chiù che de pan.
