Ra cittara zeneize 1636/Bruxo e crio com'un annima danná
| ←torna a l'èndexo | Ra cittara zeneize de Amoî Çivî |
Me cuoe, se ro crovave un dì à ri pé→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Bruxo, e crio com'un'annima danna
Dì, e nuoette pietæ dentro me cuoe,
All'inferno, che pruoevo no se puoe
Tutto l'inferno insemme assemeggia.
Re prie mesme se poessan parla,
Per compatime mandereivan fuoe
Voxe, e lamenti come d'un chi muoe,
Urli dà fa ra terra spaventa.
Vuoi sola, che sei caoza che mi crie
Questa gran compassion fin à ro Ce
M'hei manco caritæ, che n'hà re prie.
Anzi fæ con re moen, e con ri pe,
Perche ro Trentamiria se ne rie,
Con veime tormentou mì chiù che le.