Ra cittara zeneize 1636/Me cuoe, se ro crovave un dì à ri pé

Da Wikivivàgna
Ra cittara zeneize de Gian Giacomo Cavallo
Amoî Çivî
Zena, Gioxeppe Pavon, 1636
In corscivo e ligatue. Gh'amanca i acenti aguççi.


[p. 12 modifica]

Me cuoe, se ro crovave un dì à ri pe
Fuisse un soda trà nuoi ro nostro cuinto
Quanto à mì, l'haveræ per un pan vuinto,
Per levameve un giorno d'aderre.

L'un, e l'atro diræ lodou se De:
Mì saræ fuoe d'un tanto laberinto:
Vuoi, zà che fæ de mi sì poco cuinto,
Giubileressi sciù ri sette Cè.

Ma perche, vitta mæ ra veggo nascie
Che seben sarò morto e sotterrou,
No ghe sarà moe verso che ve lascie;

Purgo donca desà ro me peccou
Onde puoe stà che ancora un dì v'incascie
Che à torto son da vuoi sì tormentou.