Ra cittara zeneize 1636/Anima mæ nò me movei chiù guerra
| ←torna a l'èndexo | Ra cittara zeneize de Amoî Çivî |
Finche dura ra Lussa, e ro capricio→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Anima mæ nò me movei chiù guerra
Nò m'accrescei chiù fuoego intro gippon
Zuoemoæ moveive à quarche compassion
Che se tardæ chiù ninte son per terra.
Vuoi vei ch'in ciera hò ro coro dra terra,
Che poæro ro retræto dra passion;
Che misso con ra Morte in paragon
Poæro un morto cavou de sotteterra.
Per atro ve protesto, e torno à dive
Zà che vuoi chiù gusta de senti Nonna
Che de cangia con mì forma de vive;
Che se Giustitia è in Ce com'à gh’è bonna
Temmo ch'un dì (no me l'incallo scrive)
Taxo ro resto perchæ sei Patronna.