 |
Questa pagina a no l'è stæta corretta. | |
Anima mæ nò me movei chiù guerra
Nò m'accrescei chiù fuoego intro gippon
Zuoemoæ moveive à quarche compassion
Che se tardæ chiù ninte son per terra.
Vuoi vei ch'in ciera hò ro coro dra terra,
Che poæro ro retræto dra passion;
Che misso con ra Morte in paragon
Poæro un morto cavou de sotteterra.
Per atro ve protesto, e torno à dive
Zà che vuoi chiù gusta de senti Nonna
Che de cangia con mì forma de vive;
Che se Giustitia è in Ce com'à gh’è bonna
Temmo ch'un dì (no me l'incallo scrive)
Taxo ro resto perchæ sei Patronna.
