 |
Questa pagina a no l'è stæta corretta. | |
Finche dura ra Lussa, e ro capricio
Voeggio fa dri Sonetti à tutta posta
Oura che n'hò bezuoegno de seposta
Per fa corre ra venna, e ro giudicio.
Frenetico, e me poæro com'in vitio
Se no corro ogni dì semme ra posta
Per Parnazo, e nò fasso in quella costa
Con ro Foggetta un poco d'esercitio.
Me poso à ra fontanna, e refrescou
Che me sento à quell'ægua crestallinna
Parto tutto de venna infuriou.
Cosi fasso ri versi in pavarinna,
E canto mà con cuoe tutto inchiagou
Ri amuoi dra mæ Minetta, e de Zaninna.
