Ra cittara zeneize 1636/Finche dura ra Lussa, e ro capricio
| ←torna a l'èndexo | Ra cittara zeneize de Amoî Çivî |
Minetta in questo puinto fasso invó→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Finche dura ra Lussa, e ro capricio
Voeggio fa dri Sonetti à tutta posta
Oura che n'hò bezuoegno de seposta
Per fa corre ra venna, e ro giudicio.
Frenetico, e me poæro com'in vitio
Se no corro ogni dì semme ra posta
Per Parnazo, e nò fasso in quella costa
Con ro Foggetta un poco d'esercitio.
Me poso à ra fontanna, e refrescou
Che me sento à quell'ægua crestallinna
Parto tutto de venna infuriou.
Cosi fasso ri versi in pavarinna,
E canto mà con cuoe tutto inchiagou
Ri amuoi dra mæ Minetta, e de Zaninna.