Poexie do Gioxeppe Peagallo/Pe-o ritorno do Rev. G. T.

Da Wikivivàgna
Sata a-a navegassion Sata a-a serchia
Poexie de Gioxeppe Peagallo
Pe-o ritorno do Rev. G. T.
[p. 126 modifica]

PE-O RITORNO

do Rev. G.... T....

Sûnetto



Pippo, Beppin, Giöxeppe, ah cose sento!
Ti hæ za vortôu bandëa, ti ê torna a Zena?
Coscì poca imprescion t'ha fæto a scena
Do Refettöio e l'äia do Convento?
Ah! che l'é troppo bella esta scirena,
Moæ do grand'Ommo chi é nasciûo in Morçento!
D'ammiâla solo a te fa o chêu contento,
Tanto a l'é varia, dilettosa, amena!
Ma mi che aveivo fæto ûnn'Elegia
In tersinn-e cianzendo a tò partensa,
E a voeiva za stampâ da-o Sciô Ferrando,
O mæ tempo, i me versci ò cacciôu via,
Hò cento inûtilmente, e resto sensa
A lode che m'aviæ meitôu stampando.