Piaggio M. - Poesie 1846/Varietæ/Semplicitæ
| ←Acconto de pagamento | Poexie de Semplicitæ |
I dui Coscriti→ |
| (ediçion Pagan - 1846) |
Unn-a bella Ragazzinn-a
Semplicetta e modestinn-a,
Edûcanda in Monestê,
A trovò per caxo scrita
In t'ûn pesso de pappê
A parolla Ermafrodita:
A l’andò presto cujosa
Da ûnn-a vegia Religiosa
Per aveìne a spiegazion;
Ghe rispose, riendo, quella
Che a so significazion
A vêa dî pe abbreviazion
No son brûtta, manco bella:
A sciortì dopo varj anni,
Che a l’aveiva dïsætte anni,
Ricca e bella comm’a l’ëa,
Figgia sola, ereditëa,
Capitò presto ûn partïo
Conveniente e a Lê addattôu,
Quando fù tûtto pattuïo,
Ghe va in casa a so Sposôu,
Che veddendoa coscì bella,
Ciù brillante che ûnn-a stella,
Sempre ciù o se n’invaghiva,
E con parollinn-e tenere
O l'assomeggiava a Venere
E o ghe disse ti ë a mæ Diva!
Ah! che non ho questo merito
(Ghe rispose a Semplicetta
Con modestia e ritrosetta)
Tanti elogj no me merito
Dä bontæ vostra infinita....
E perchè, Bellezza? (o criò)
Perchè son Ermafrodita...
Mille grazie!!... o se n’andò.