Piaggio M. - Poesie 1846/Varietæ/O Dottô e o Carrettê

by Martin Piaggio

←O Majo Orbo

Poexie de Martin Piaggio O Dottô e o Carrettê

O Villan giûdizioso→

(ediçion Pagan - 1846)

O Dottô e o Carrettê

Un Dottô con duî Procûoeì
Se n’andavan tûtti treì
In campagna a festezzâ
Çerta lite ûn pö imbroggiâ,
Che guagnòn: cammin façendo
(Mentre stavan rivedendo
O processo co-i pappê)
Incontròn ûn carrettê:
Scicomme ëan de bon ûmô:
L’affermòn per caregäo;
E ghe dixe o sciö Dottô:
E per cöse, amigo cäo:
(Compatî.... semmo ignoranti)
O cavallo chi è davanti
O l’è moscio e ben pasciûo,
E quell’atro de derrê

O l’ha ûn muro zù appissûo,
Secco, che o no pêu stâ in pê?
O Vettuîn, chi n’ëa mincion,
Conoscendoli all’odô,
O rispose: pe-a raxon,
Che o ciù grasso o l’è un Dottô,
L’atro secco e sperunsïo
O l’è o Cliente; amigo, addio.