Piaggio M. - Poesie 1846/Esopo Zeneize/L'Armon e o Spinon
| ←I Oxelletti e o Rocolo | Esopo Zeneize de L'Armon e o Spinon |
O Cûcco e a Rondaninn-a→ |
FOA LXXXVII.
Un Armon — disse a ûn Spinon,
Perchè ti hæ — l’aviditæ
De piggiâ, con fâ man bassa,
O vestî a l’ommo chi passa?...
Cose ti te ne vêu fâ?
Làsciao stâ,
Quarche giorno o te fracassa!....
Replicò o Spinon : ohibò!
Ti fæ errô, — l’è o troppo amô
Chi me sforza d’agguantâlo,
Ma no vêuggio despûggiâlo,
Trêuvo solo, a dîte o giûsto,
Do gran gûsto
Quando posso scarlassâlo.
Quante personn-e gh’è comme i spinoîn
Che trêuvan gûsto in fâ de malazioîn.
