Piaggio M. - Poesie 1846/Esopo Zeneize/A Villann-a e l'Ortiga
| ←L'Aze e o Can | Esopo Zeneize de A Villann-a e l'Ortiga |
A Ræna in viaggio→ |
Unn-a bella Villanetta
Passeggiando per l’erbetta
A scrovì ascosa ûnn-a scioetta
In te l'ortiga.
De piggiâla coæ a se sente,
A gh’infïa e die döçemente
Per træ votte inûtilmente,
E con fatiga;
Ma no poendoghe arrivâ,
Ciù vêuggiosa e ciù ostinâ,
A gh’infiò inconsciderâ
A man do tûtto;
A piggiò allöa quella sciô
Ch’a l’aveiva ûn brûtto ödô,
Ma retiando a man, che dô
A sentì brûtto!
Pe-e puntûe de quell’Ortiga
Che a ghe disse: « Impara, amiga
Che o Segnô coscì o castiga
E troppo ardïe.
