 |
Questa pagina a no l'è stæta corretta. | |
Ava, me dixeiva: "Figgia, te passeran. Ti faressi miegio a piggià ro mie conseggio, e mettite a ri mie costummi." E mi da matta me ne rieiva. Così fuisse stęta sotta ra sò dissiprinna, e gh'avesse atteiso, che oura non me trovereiva in questi balli.
SCENA XXII
Caporale, e sudetta
Cap. Sarala fenìa una otta, demoghe a tutti.
Gianc. Caporà con chi l[']ęto?
Cap. L'ho con meigo.
Gianc. Ti me puęri ben inverso.
Cap. Di pù, che ti orreisi, che m'inversasse.
Gianc. Taxi brutto.[1]
Cap. Lasciame stà; mie Patron, gh'ęlo ciu stęto intro serrag[g]io? come stà tò Patronna? cose dixella, d'esti garbuggi?
Gianc. Nui non l'emmo ciu visto; e ti n'ęto ciu sappuo nuoeva?
Cap. Mi nò.
Gianc. Ma cos'aveivi tù, che quande ti m'ę scontròu, ti vegnivi
- ↑ fòscia brutò
