Pagina:Spinnoa L'Ariodante 1655.djvu/24

Da Wikivivàgna

Da fa prevaricà rà continenzia
Ne sò ra quinta scienzia
Sò inscià ri maccaruin
A forza de crestè,
Sò giusto comm'ò vá
Coexe ro mattamá;
Sò serne dri Cappuin,
Ro come se ghe dixe,
Ro pieto dra pernixe,
Ra coescia dra polanca,
L'ara dro pollastretto,
E per un bon boccon rò pastissetto.

Mà rà descretion
L'ę de saveì mangiá
Tutto à ra só saxon.
De Luggio ri picciuin,
Re quagie de Settembre,
Pernixe de Dexembre,
E ro nittoranin,
Verso ra fin d'Arvì,
Sorve tutto tegnì
Con roba de sostanza
Sempre rà panza in stiva
O quanti leccaressi
Traonnan ra sariva!
Má dra bravura poè
Cose diremmo noi d'esto faxoe?
L'arte da pettacchinna,
Quella dra tavellà
Doe dia da rá tetinna
Nó son foscia quell'io chi l'ha trová?
Andaghe á latin fæto,