Pagina:Spinnoa L'Ariodante 1655.djvu/25

Da Wikivivàgna
Sata a-a navegassion Sata a-a serchia


E in tro doggiá dro canto
Baxo ra man patron
Co rò parmetto intanto
Faghe un'atra gassetta à ro gippon,
No fuì mæ invention?
Ri gippuin de l'apato,
Ri sfrixi cò rò fiocco.
Ponze cò ro sagoggio,
Re canne incameræ
Re pointe desnoæ,
Ro toò, ro chi va lì,
No ro trei foera mì?

Rò Spezzin chi l'hà stratteiso?
Chi ha marcao Barbazerá?
Sparapan chi l'hà strinao?
Bernardin chi l'hà frappao [?]

Tę, tę donde me perdo?
Cose me ven in coe?
Stareiva tutt'ancoe
Se vorresse quintà
Quello, che mi só fà.

Mà se no fan ri oeggi cierabelle
Ro Ducca miè patron siò Porro niessio
L'ę chi c[']o ven con quella so Lillonna.
L'ę ben che me ne vagghe,
Pre non daghe soggetto
perche fan trà lo serte carezze
Ch'han dre domesteghezze,
E à l[']ę tanto demestegha in effetto
Ch'à comensa à pità ro pignoretto.
Mì, che non son bollaxo,
Osservo, pappo, e taxo.