 |
Questa pagina a no l'è stæta corretta. | |
E scorrattando van Zena sor(r)ette
E in cà lassan re figgie in guardia a messi
E ri marij vuoeran sottomette
E pe ra chiera a ogn'un dre neghe dan,
Mi no piggio mogié come voressi.
D’Oria poere dra patria c’honoré,
Ben ne mostré c’homo no sei mortá
Che de l’Eité c[']o ve conven possá
Pe ra patria e per Criste ancon v’armé.
Chi ve da tá possanza d’esta eté
Che contra ogni costume naturá
Morte, fortuna, e tempo poei domá
Non che ri demognazzi dri corsé?
Voi, d’Oria, nasciuo moé no sei
Ni mué vuò che morí Domenendé
Perche sà che noi d’esti defendei.
Ma no m’arregordava, si dighé
Che voi soretto Marte e Netun sei
Si che morí no dei per che sei dé.
E como a cà de Dé
A ro paraxo donde habité voi
"Pareizo" ghe dighemo tutti noi
