 |
Questa pagina a no l'è stæta corretta. | |
E haura a cavallo ogn'un voe fá dro Zorzo.
Vui vorrei pù coxin che tutavia
A beive staghe com'un'oca à muoegio
Dentra fontanna d'Heliconna, o truoegio
Perchè reste agro com'unna limia.
Povera e nua va ra poesia
E mi Foggietta fuoeggie chiù no voegio
Ma vorreiva oro in cangio d'orofuoegio,
Chi è solo insegna* anchuoe d'ogni h[o]staria.
E derré fa ro loro ogni personna
A chi cerca orofuegio, e voe ghirlande
Ma un'aze d'oro carrego è adoraou
Ni perchè a beive l'egua d'Heliconna
Ra mea foggietta devegní po grande,
Ni ro senno dro povero è apprexaou.
Perchè re donne d'haura marié
L'amó como re figgie vuoeran fá
E a ro barcon stan sempre a chiarlatá
E re chiere han depente, e berlissé,
E veggian con re porte sbarazzé
E lassan montá sù chi voe montá
E zuoegan largo con chi vuoe zugá
E in cangiá sfersi spendan gren diné.
E fin a nonna in giesa ogni di stan
