 |
Questa pagina a no l'è stæta corretta. | |
Pensa che l'ame esto scompiscia canti
Ma a ra fin ghe farò mena* ro pè.
Che so che pari sò, no son costanti
E a quante donne ven corran derrè,
Si ne vergognan poscia su ri canti
Perche requiutan* tanto vorentè,
Che como de sott'han Donne, e fantinne,
Re fan vegnì so schiave de Reginne.
Se ben de fuò parei guerzo, e straloggio
Perche uze* ri spegietti per costume,
D'intelletto havei dentro si bon'oggio
Che nasce l'erba vei, si ne fè lume,
Però chiu tosto voi per sposo voggio,
Che quarchun che mille oggi havei prezume,
E i atri vo ghi à* ro meschinetto,
Si ha mestè dro baston com'un orbetto.
Deh piggiame Bargaggia per gallante
Che megio de Tognin te voggio mie,
E son de lè chiu bello, e bravo fante
Si ho chiu de lò gran Bestiame assie,
E un chiavacuò mi te farò galante
Con trei pezzi da lao chi pendan lie.
Chiu grossi, e belli che no g[']ha Togninna
Si te terrò de tutto ra cha chinna.
