 |
Questa pagina a no l'è stæta corretta. | |
Donna si gianca como mi no trovo
Si no siazzo como quella e questa,
Perche chiu gianca son d'un Mortà novo,
E ra camiza da ro di de festa,
Mi son chiu gianca, d'un bello fresco ovo
E son chiu gianca, cha ro porro in testa,
E infin mi son chiu bianca[sic] d'un recotto
Si son chiu rossa cha un gambaro cotto.
Mi ro Sò mesmo venzo de sprendoi
Non che ra Lunna, e ra Dianna stella,
Perche in cangio d'un Sò sempre n'ho doi
Sotto ri ceggi dra mè chiera bellà,*
E son pu tauto* chieri esti me soi
Ch'un lume pa ro Sò de Chiarabella,
Per questo ascoso ò sta se vaggo attorno,
E luxan ri mè Soi ra notte, e giorno.
Se crè che l'ame questo Polidoro
Per fa dra Ninfa, e fa dra bella vitta,
E per portà derrè ro pugnà d'oro,
E per fame derre* sempre ra vitta.
Ma mi voggio atro cha cavello scioro
Perche questi Narcixi ho troppo in gritta
Chi fin à ro rossetto s'usan mette,
Si che fan danno à Figgie, e a Zovenette.
