Pagina:Rime.diverse.in.lingua.genovese.Bartoli.Pavia.1588.djvu/85

Da Wikivivàgna


Se per Mario ti me piggi mie
Un bello tempo inseme se daremo,
E ro to con ro me voggiando tie,
Inseme tutto quanto meschieremo,
E crescie tanto ro faremo chie
Ch'in pochi meixi noi l'addoggieremo,
Che stago sodo, e tegno à cha ra testa
Ni derrè vaggo à quella brutta, e questa.

Se ti mi* piggi infin bella Fantinna
In man tutto ro mè te voggio mette,
E à cha te porterò ra borsa chinna
E sempre te farò mille fraschette,
E ra tò dotta chi aura è picchieninna
T'accrescierò, si me parrà che tette,
Si te farò portà ra coa assie
Derrè ra roba como s'usa chie.

Dentra fontanna d'unna Garzonetta
Vossi beive l'atrè per refrescarme,*
Chi m'arvi ta* canà dra fontanetta
Perchè ra sea megio poesse trame,
Ma in cangio de beive egua fresca e netta
Amò dentra mesma egua fè bruxame,
Quà donca troverè seguro logo
Se dentre l'egua asconde Amò ro fogo?