 |
Questa pagina a no l'è stæta corretta. | |
Così fito a ra man,
Eccate Giurian,
Chi ghe dixe "moggié semmo a cavallo;"
E li, senza bestento,
Subito gh'appresento
Quello cavallo dose, che m'hei deto,
Con quell'hommo a cavallo si ben feto,
Ch'appointo in tro cará dra fregatinna,
Andandomen'a cà da ra marinna,
Ogn'un per stradd'attorno me vegniva;
Tutto Sestri boggiva,
Cieretta, Bastianna,
Peretta de Simon, Manuoe Brescianna.
E sopratutt'un stuoé
De trexento figgiuoé,
E li in capo de lista
Mé figgio Giambattista,
Tutti dixeivan grendi, e piccenin,
Ro scio Giurian chi porta S. Martin.
Che bello cavallin,
Ro signor Nicolò dixeiva ancon,
Mi me perdo a miraro,
Mi che cavarco ben vuoeggio provaro,
Da puoe saverò dive se l'è bon.
Fé conto in concrusion,
Che quando ri Troien
Restan Venetien
Acconsi a pollo pesto,
Ro cavallo de Troia quello giorno
N'haveiva comme questo
