Pagina:Pinocchiu2019.djvu/78

Da Wikivivàgna
16.

A bella Figgiöa da-i cavelli türchin a fa arecögge u mariunettu: o-u mette in lettu e a ciamma trei meghi pe savei s’u segge vivu o mortu.


Dementre cho-u povou Pinocchiu inpiccòu da-i assascin a ‘n rammu da gran Ruve u paiva ormai ciü mortu che vivu, a bella Figgiöa da-i cavelli türchin a s’avançò turna o-u barcun, e inpietuxîase a-a vista de quell’infeliçe che, apeizu po-u collu, u batteiva a muesca a-e buffæ da tramuntaña, a ciuccò træ votte de muen.

A stu segnâ se sentì ün gran fuu d’ae che sbatteivan cun füga preçipituza, e ‘n grossu Farcu u végne a pôsâse insci-a ciappa du barcun.

— Cose cumandæ, mæ graçiuza Fue’? — disse u Farcu asbasciandu u beccu in attu de revença; perché bezögna savei chi-a Figgiöa da-i cavelli