 |
Questa pagina a no l'è stæta corretta. | |
dumandò nutiççia a quanti u l’incuntrò pi-a stradda, ma nisciün l’aiva vistu.
Alua u l’andò a çercâlu a caza: e arivòu insci-a porta u piccò.
— Chi gh’é? — dumandò u Muchettu de drentu.
— Sun mi! — rispuze u mariunettu.
— Aspeta ün pô, e t’arviô. —
Doppu mez’ua a porta a s’arvì: e figüæve cumm’u gh’arestò u Pinocchiu quande, intrandu inta stançia, u vidde u sö amigu Muchettu cu-ina gran beretta de cutun in testa, ch’a gh’arivava scin sutta u nazu.
.jpg)
A-a vista de quella beretta u Pinocchiu u se sentì squæxi cunsulòu e u pensò sübbitu drentu de lê:
— Che l’amigu u segge moutu da mæ mæxima moutia? Ch’u l’agge lê ascì a freve de l’aze?... —
E fandu mustra de n’esise acortu de ninte, u ghe dumandò cu-in fatturizu:
— Cumme ti stæ, mæ câu Muchettu?
— Beniscimu: cumme ün rattu inte ‘na furma de furmaggiu piaxentin.
