Sâta a-o contegnûo

Pagina:Piggiâse o mâ do Rosso o cartâ 1877.djvu/52

Da Wikivivàgna
―47―
Ber. (interrompendolo) Ghe torno a dî che o l’é ûn affare tra mi e voscià... l’é inûtile che sciä ne fâççe parte a di atri.
Pip. E mi me doviö lasciâ insultâ, minacciâ in casa d’atri, senza che se saccie se ho torto o raxon? scì scignor, ö diggo e ö ripeto, a sciä Clotilde sciä no a deve sposâ.
Manin. Comme gh’intra a Clotilde?
Ber. Ghe diggo che sciä taxe... oh perdingolinn-a. (volendo slanciarglisi contro)
Fal. (fermandolo) Fermo, raxonemmo.
Manin. Aoa gh’intro mi ascì, e vêuggio saveì sto pettegolezzo. Bertomelin, comme o l’é sto affare? e figgie in ciassa no se ghe mettan.
Ber. Mi no metto in ciassa nisciûn... o l’é lê che...
Pip. Scì scignor... co-e so scene, co-i so amoezzi l’eì compromissa a-i êuggi de tûtti, e poi seì che no a poeì sposä.
Manin. Ma seì Bertomelin che a vostra condûta...
Ber. E sciä me lascie stä voscià ascì, che sciä no gh’intra.
Manin. Comme no gh’intro? ma no seì che a Clotilde a l’é mæ nessa, e quarcosa g’ho da vedde mi ascì, e senza o mæ consenso...
Ber. Me ne façço do bello do so consenso! voscià sciä conta comme o sbïro a goffo...
Manin. Conto comme o sbïro a goffo?