 |
Questa pagina a no l'è stæta corretta. | |
Domando inûtilmente
Un pö d’allögio ä gente;
Nisciûn manco m’ammïa,
Me paeì ghe metto puïa,
Scappa finn-a i Figgiêu:
Pazienza! Veddo ben,
Che da ûnn-a Vegia anchêu
Ciù ninte no s’otten!....
Rispose a Föa: ti hæ torto
D’andâ do tûtto nûa,
Mi incangio quando sciorto
Son sempre in gran montûa,
M’aggaibbo con manëa,
E tûtti me fan cëa;
Ma senti, Sêu bastarda,
Femmo ûnn-a Societæ:
Ti sccetta, e mi boxarda,
Cantiemo Föa e Veitæ;
Ti me vegniæ d’accanto
Coverta do mæ manto,
E mi in to compagnia,
Nisciûn me mandiä via;
I savj me soffriän,
E ti per causa mæ
I matti te sentiän
(Meno quelli lighæ);
Dove vorriemo andiemo,
E i gûsti contentiemo ,
Ti, grazie ä to raxon,
Mi, grazie ä mæ finzion,
Sciù dunque prinçipiemmo,
Vegni, te crêuvo, andemmo.
