 |
Questa pagina a no l'è stæta corretta. | |
mandà per tuti li söi parenti e amixi, e non trovà nissum chi la voresse aconpagnâ fim a la corte de lo senato, de che e' l'era in grande confuxiom, non sapiando che far. Ma nonpertanto ella non se partiva da la mizericordia de Dee e de la biâ Vergem Maria, ma senper e' l'avea in lor grande speranssa. E stagando cossì, o ge aparse la biâ Vergem Maria, de chi e' l'era devota, con conforto digando: "Non abi niguna temanssa, ma va tosto a conffesâ lo to peccao, e mi personamenti te aconpagnerò". E faito questo, e seando tute doe vegnue fin a la corte de lo senator[sic], e lo senator stava inseme con lo demonio, chi avea forma umana. E lo demonio vegando la biâ Vergem Maria, si fo tuto conffozo e quaxi como morto. A lo qua lo senato disse: "Che ai-tu, che ti ê cossì inpallidio e conturbao?" A lo qua lo demonio respoze: "E sum canbio e confozo, persochè la Vergem Maria è in conpagna de questa dona, per la quâ ti ai mandao". E non possando pu sostegnî a la fassa de la biâ Vergem Maria, con grande crio o desparì. E la qua cossa vegando, lo senato loà lo nostro Segnor Dee e la soa santa Maire e la dita dona la qua ello voreiva vituperâ. E de lì avanti o l'ave in grande reverencia, a lozo de la biâ Vergem Maria.
Dixe che in lo comensamento de lo tratao de Atanaxio arcivecho[sic] de la citae de Alexandria, si g'è scripto de la passiom de la imagiem de lo nostro Segnor messê Ihu. Xe. e in che modo ello fo cruciffichao in Siria in una citae la qua se ihama Bericho in lo tenpo de Constanti[sic] inperao e de Erenna soa maire.
Or tuti li dilleti [...]n Xe. dè a tuti li figiöi de la santa maire Zexia dricem tuti li ögij de la mente vostra a penssâ li miracori de lo onipotente Dee e Segnô nostro messê Ihu. Xe. e a ello rendento lozo con lagreme e suspiri in tar modo chi lo aschota e chi lo dè leze in so penssê con grande amô e reverencia.
Or ello fo in una citae in Siria in lo terrem dicto Edasidone, e' era sote la citae de Antochia, in la quâ citae abitava monti Zuê, e era in quella cita[sic] arcivescho e avegie[sic] che rente la sinagoga um crestiam preize una cazeta a pixom e lo dicto crestiam avea una soa imagiem de lo Segnô, la qua ello misse a una porta de lo so leto, la qua imagiem era monto propia e ben inpenta. E pöa lo dicto crestiam preize una atra cazeta a pixom e partisse de quella, e per la providencia de Dee ello se adementegà quella soa imagiem, soè la meistë de lo Segnô, e lasàla in quella cazeta pìsena, in la quâ ge intrà um Zuê, lo quâ Zuê, non acorzandose de la dicta imagiem. Or seando um jorno de una festa, questo Zuê inconvià uno atro Zuê a disnâ con seigo, e disnando questo o levà li ögij in ato e goardà e vi la dicta imagie[sic] de lo Segnor a la porta, e vegando sò o fo pin de una grandissima ira e incomensà a reprende duramenti quello chi l'avea conviao, e si ge disse: "E como, ti ê Zuê, e si tegni in caza la imagiem de Ihu. Xe. nazareno in la toa caza?" E questo Zuê chi avea inconviao questo atro Zuê, si incomenssà a zurâ e disse che ello non se era mai acorto de la dita imagiem, e cossì quello chi era staito inconviao taxè. Pu, partio che ello fo de caza, e' ze a li söi principi e si ge disse: "Seave manifesto a tuti voi, che lo tâ Zuê a in caza la imagiem de Ihu. nazareno." E quelli dissem: "Como po esse che so che ti ne di sea vei?" E questo afermando con sagramento disse che ello se obrigava de mostragela là unde o l'avea vista. E odando questo li Zuê si fon pin de grande iniquitae, ma persochè l'ora era tarda, e' stem cossì per quello iorno. Ma vegnua che fo l'atra matin li ministri de li Zuê si se congregàm inseme e si vegnem a lo stallo de questo Zuê, e intrando in caza elli trovàm questa imagiem de so Sarvao e con grande ira e' la butàm in terra, e pöa e' preizem questo Zuê sensa odî la soa schuza e si lo batèm tano[sic] che quaxi e' lo lassàm per morto, e pöa e' preizem la jmagiem e dissem: "Asochè a noi sea manifesto como li nostri pairi com monte injurie crucifichàm Ihu. Nazareno, cossì noi faremo monte iniurie a questa imagiem." E incomensàm a spuâ e a ferî la dicta imagiem digando: "Cossì fem li nostri pairi a Ihu Nazareno." E con monte derixioim e' dissem: "E' l'è scripto de la passiom como elli ge ihavàm li pê e le
