Pagina:Marston56.46-133.djvu/36

Da Wikivivàgna

parenti, agandolla retornâ a caza, e de bagni e de ingoenti ointa, non vogando lo nosto[sic] Segnor Dee che ella fosse da umana suspeciom fraudâ, depoî trei jorni, in lozo de la biâ Vergem Maria preseverando de questa misera vita si la trasse.


E una fiâ o vegne um a conffesiom con frai prichoi. E intrando lo frai da lo tâ, respoze quello, che o non voreiva dî le soe peccae, persochè elle eram tante, che se o le cointasse in quello lögo, o dubiava che lo teito non ge cheisse adosso. E lantora lo frai lo menà in ihostra, perchè lì o se confessase. Pu questo dubiava de non esse odîo, e però o non se vorea coffesâ lì, ma o disse: "Andemo vi jmter una camera secreta, unde nissum non ne posse odî". Alaora lo frë dubià che questo non fosse lo demonio chi lo voresse ocir, e incomenssàse a segnâ. E intrando in una camera, questo se conffesà prendando una penetencia che lo frai ge vosse dâ. E quello ge respoze, che quella penetencia era niente. Respoze lo frai: "Or me lo di". E quello disse: "Non dirò". Disse lo frai: "Se ti non lo di, e' non te asorverò". E quello disse: "Se ve lo digo, e' ve prego che o non sea dicto a nissum, persochè nissum de questa terra non lo sa". E disse: "Vegando[sic] da la villa a la citae per achatâ biava, li demonei me preizem per la via e portànme sum um monte monto ato, e butànme de cima fin in pê, e non me fei nigum mâ. Consoseacossachè sea peccao, pu e' avea grande devociom in la biâ Vergem Maria e in lo beo[sic] messê san Iacomo apostoro, e si me arecomandai a lô. E pöa li demonei me butàm in um monte de fögo, unde lì e' missi tuto, salvo le main e la testa, e inpersò arecomandandome a la biâ Vergem Maria e a lo beo[sic] messê san Iacomo, la testa la tegnea föra de lo fögo, e le main, quando e' me levava suza. E lì steti da lo sabo fin a matresdì. E pöa e' me portàm a caza mea con tute le mee vestimente bruxae, unde e' me trei le bruxae e si me missi de quelle che aveiva, e si non poiva morî sensa conffeciom, per la gracia de la biâ Vergem Maria e de messê san Jacomo apostoro". Disse lo frai: "Como po esse questo, chi te sei bruxao, che ti ai si belle le main e lo vizo, cossì como um bem san?" Alaora questo mostrà li pee e lo corpo. De che lo frai lo vi tuto bruxao e sentì una grande spussa de bruxao. E cossì o finì deprezente.


O fo una donzella la qua avea in grande reverencia la biâ Vergem Maria. E questa avea nome Eulogia. E ogni di a dixea a lozo de la biâ Vergem Maria CCC avemarie, si che una nöte la Vergem Maria ge aparsse dromiando questa descoverta da la sentura in su, e ihamalla tre fiâ digando: "Eugolia, Eugolia, Eugollia[sic]". E questa respoze: "Chi sei-vo voi, o madona?" Disse la biâ Vergem Maria: "E' sum quella che ti saruij tanto ogni di, ma e' vögo che ti digi pu rere quelle parolle, e speciamenti "dominus tecum" persochè o special alegressa in quelle parolle, per la qua cossa e' vögo che de chì avanti ti ne digi C pu rere e pu distinte cha CCC cossì preste". E incontenente a la ferì e zesene.


Un atra fiâ e' fo in Roma una dona vidoa, la qua avea um so figör. E questa era monto devota de la biâ Vergem Maria, e zozunava' senper li söi zozuni[sic] e contuniamenti fassando monti ben. Per la qua cossa, seando lo demonio monto irao de so, si la incomenssà a tentâ de grandi peccai, asochè o ge poisse fâ perde la gracia che ella avea de la biâ Vergem Maria, ma o non ge varse niente. Pu a la fin o stimullà tanto de li söi stimolli, che ello la fè caze in peccao carnâ de lo so figör. Ma non per tanto che la dona sesase la devociom che ella avea in la biâ Vergem Maria, ma a sperava senper in la soa mizericordia. E lo demonivo[sic] vegando che per questo a non manchava de la soa devociom, che ella avea in madona santa Maria, si penssà de voreilla vituperà in prezencia de tuto lo pövo de Roma. Si che pricando questo in forma umana, si se ne ze a lo senato de Roma, dagandoge a intende che o fosse bon filozofo e manifestando le cosse de atri, soè le cosse passai e quelle chi deveam vegnî. Per la qua cossa questo fo bem resevoto da lo senato in so corte. E abiando lo demonio revellae monte cosse, e a la fin o ge disse: "Messê, e' l'è faito um grande peccao in questa terra, e de grande puniciom è degno, e questo per una dona vidoa, la qua è cheita in adulterio con um so figo, e am peccao ar carnamenti". La qua cossa odiando lo senato, si mandà per questa dona, vogandolla prubichamenti punilla con grande puniciom. Alaora la dona