 |
Questa pagina a no l'è stæta corretta. | |
multipichà la pestelencia, si che ella ocize monta gente. Ma lo bia[sic] san Gregorio non sesava per so de conffortâ lo pövo e ameistralli che elli steissem constranti e fermi a l'oraciom "fin che Dee averà mizericordia de noi e che la pestellencia cesse". E faita l'oraciom, ello se vosse partî, ma ello non poè, persochè le porte de la citae se gordavam[sic] la nöte, asochè ello non se partisse. Ma cangandosse ello lo abito, o pregà alquanti monechi che ne lo devessem trâ a modo de um stromasso misso sum lo caro, e cossì ne insì e zessene in um lögo dezerto in um monte e stè aschozo per trei iorni e per tre nöte. E stagando ello cossì aschozo, si aparsse una coroña de fögo chi desendeiva da cell, chi ge stava sorve la testa, la quâ coroña o fo um armito chi la vi, e vi desende li angeri, unde in so ello fo manifestao e fo preizo da lo pövo e fenllo somo pontifficho. Ma consoseacossa la pestelencia non sesava anchora in Roma, como ello avea ordenao le letanie in monte parte de la citae, in lo tenpo de una Pascqua o l'ordenà una processiom con l'imagem de la Vergem Maria, la quâ messê san Lucho evangelista avea faita con le soe maim, de che manifestamenti tute le aire corote fuzivam da questa nostra Dona, e parea che quelle marvaxe aire non poissem stâ contra la dita figura, si che depoî la figura grande serenitae romagnea. E lantô o fo odîo in le aire voxe angeliche chi dixeam: "Regina celli letare aleluiha, quia quem meruisti portare aleluiha, resuresit sicut disiti aleluiha." E deprezente lo biao san Gregorio disse con tuto lo pövo: "Ora pro nobis rogamus aleluiha". E lantor messê san Gregorio si vi sum um castello um angero de Dee chi parea che o forbisse una spâ sangoneta[sic] e che o la tornasse in la goenna, e inteize per Sprito Santo como la pestelencia devea sesar in Roma. E cossì fo, che in quella hora a sessà tuta, e de lì avanti quello castello castello fo ihamao castello Santo Angero.
Or seando messê san Gregorio lo dì de Poasqua a Madona Santa Maria Mao e digando ello messa, e quando ello vègne a dî: "Pax Domini sit senper vobiscon", e li angeri de Dee ge respozem in ata voxe: "Et con spritu tuo." Unde da quello dì aprövo, lo papa fè processiom a la dita zexia. E lo dì de la Pasqua in memoria de quello miracoro a lo "pax Domini" nissum non ge respoze niente. Deo gracias.
Amen.
Agostino grandissimo dotor de la provincia de Franssa è nao in la terra de Cartagenia e nao de honesto paire e de honesta maire. Lo paire avea nome Patrucio e la maire Monicha. Or ello pin de grande siencia fo filozofo e dotor grrandissimo[sic] de la santa Zexia e fo vescho de la citae de Sponenssa, là unde o vivè in grande santitae e finì lo ano de lo segnô corando CCCC, e vivè agni LII-VI, e stè vescho de Sponenssa agni IIII-. Lo nostro segnor Dee mostrà monti miracori depoî la soa morte per so amor.
Or vegando li Saraxin in quelle parte, li quë fem monti dani, e li crestiani preizem lo corpo de messê santo Augustino e si lo portàm in l'izora de Sardegna depoî la soa morte corando CCCCXVIII in lo tenpo de Leom papa.
Or sentando lo ree de li Lonbardi, devoto de messê santo Augustino, como l'izora de Sardegna era monto daniffichâ da li Saracini, lo papa ge mandà li söi anbassoi, che elli ge devessem mando[sic] lo corpo de messê santo Augustino, e per serti doim li anbassoi avem lo corpo, e con grande reverencia e' l'adussem fin a Zenoa. E vogando levâ questo beneito corpo, elli non lo poèm möve de lo lögo unde ello era possao, ni mai non lo poèm möve fin a tanto che fem fâ una zexia a Zenoa a soa reverencia. E questo miracoro mostrà lo nostro Segnor Dee, e cossì fo faita la zexia. E pöa con grande honô e reverencia e' lo portàm in la citae de Pavia e si lo missem in la zexia de san Poro Celdoro monto honoreivementi.
Or seando um in Pavia chi avea monto amor e reverencia in santo Augustino, si dè monta monea a um monego per avei um dio de santo Augustino. E lo monego, resevoto che l'ave la monea, si ge dè um dio de um atro monego morto fassao de um sendao, e quello lo resevè devotamenti. E vegando lo nostro Segnor Dee la devociom e la fe' che questo avea in questo dio, si lo pigà e butàllo via e preize um dio de santo Augustino e si ge lo dè. E partandose questo da Pavia con questo dio, monti miracoli fè con lo dito dio. E cressando la fama de questo beneito dio per li miracori che ello faxea, o vègne la voxe in Pavia, e lo monego chi goardava lo corpo si dixeiva che non era veritae, ma che ello ge avea daito um atro dio. E elli zem e goardàm lo lögo unde era lo corpo e trovàm che ello avea men um dio de la man. E vegando so lo abao, si cassàm via lo dito monego de quello officio e duramenti o ge fè fâ penetencia.
E semegeivementi e' l'era um monego in Bergogna in um monestê chi era piamao Forchanoto, e per nome era ihamao Ugom, lo quâ era monto devoto de messê santo Augustino, lo quâ contuniamenti pregava lo nostro Segnor Dee e messê santo Augustino che o non lo lassase passâ de questa vita fin a lo dì de la soa festa. Avegnachè de XV dì avanti o fo monto agrevao de freve, e in la veiria de santo Augustino o parea che o fosse morto. E li monexi vi vegnî monta gente vestij de monte belle robe bianche chi tuti intràm in zexia, e aveam con lor um chi era vestio a modo de um vescho chi ge andava avanti. E um monego de questi servi de Dee vi questi, stagando ello a l'oraciom, de che o se maravegà monto e demandege[sic] unde elli andavam e che[sic] elli eram. E um de lor ge disse: "E' l'è messê santo Augustino con li söi comissi chi va a prende l'anima de Ugom so devoto per portalla in vita eterna." Questa devota gente intràn in fermaria, e staito per um pocho de spacio l'anima de questo Ugon se partì da lo
