 |
Questa pagina a no l'è stæta corretta. | |
in terra temando che so mario non fosse um demonio, e dixea: "Oime mizera, perchè nassei mai e perchè non mori-ê quando e' foi nâ, avanti cha esse prevegnua a tanta iustixia."
E vegando lo mario a caza, o trovà questa tuta travagâ e demandàge so che ella avea, e ella ge cointà ogni cossa secondo che g'era staito dito. E questo con monti sagramenti incomenssà a zurar e a negar e a dî che so non era veritae, ma eram parolle dite per invidia. E ella disse: "Se ti vöi che me crea quello che ti di, deman andemo inseme a la zexia."
E quando questo vi che o non se poiva pu aschonde, o ge cointà tuto per ordem como ello aveiva faito. La quâ cossa ella intendando, a se ne ze deprezente a san Baxirio con questo so mario, e con grande pianto e' cointàm a messê san Baxirio quello che l'avea faito. E messê san Baxirio, odîo che l'ave questo, si ge disse: "Figör non vöi-tu bem tornâ a messê Ihu. Xe.?"
E lo zovem ge disse: "Messê si, ma como e' v'o dito, e' me sum daito a lo demonio e de so e' g'o faito segurtae, como e' v'o dito, e como 'o savei."
E messê san Baxirio ge disse: "Figör mê, non temi de queste cosse, che lo nostro Segnor Dee si è begnigno, che ello te reseverà a penetencia."
E deprezente messê san Baxirio preize questo zovem e fège in lo fronte lo segno de la santa croxe e lo fè stâ per trei jorni in um lögo reihuzo, e pöa o lo fè insî de föra e si ge disse: "Como e-tu stao?"
E ello ge disse "In grande tromento e' sum, che non posso sostegnî lo grande tromento e lo grande crior de li demonei, che elli sum senper sorve de mi monstrandome la carta che ge fei de mea man, e dixeam: «Tu vegnisti avanti a noi cha noi a ti.»"
E messê san Baxirio ge disse: "Non avessi nissuna poira, ma senper abi speranssa ferma." E pöa o lo fè zozunâ e anchora lo reihuze, e pöa o se misse a pregâ lo nostro Segnor Dee per ello, e de lì alquanti jorni o lo ze a vexitâ e dissege: "Che n'è figör e como stai-to?"
E ello disse: "Paire, e' me stam da la longa, ma me criam monto forte, ma pu mi non li vego ni li temo."
E messê san Baxirio ge ordenà anchora la soa vita e per IIII- jorni o lo reihuze, e pöa o tornà a ello e ge disse: "Figör como stai-to?"
E ello disse: "Paire, e' sum confortao, perssochè te o visto in vixiom conbate per mi contra a li demonei, e pareivame che ti avessi la vitoria."
E faito so, ello lo trè föra e congregà tuta la iherexia e dissege che elli devessem tuti pregâ lo nostro Segnor messê Ihum. Xe. per questo, asochè lo demonio non abia possansa sorve questo chi a resevoto lo santo batesmo. E pöa o menà questo zovem in zexia per la man, e stagando cossì o vègne lo grande demonio e aferava questo zovem per la man, e parea con tuti li atri demonei che o ne lo voresse portâ via. E lo zovem incomenssà monto forte a criâ e dixeiva: "Paire àiame che ne sum portao!"
E messê san Baxirio disse: "O' fasso sprito inigo e marvaxe, non te basta la toa perdiciom, ma fai arâ le creature, e tegnandoli ti, tu li fai partî da Dee."
E lo demonio ge respoze: "Tu me fai tropo injuria."
E lantora tuta la gente criàm e dissem: "Chirieleizon."
E messê san Baxirio disse a lo demonio: "Lo segnor Dee te constrenze in perpetua calcere."
E lo demonio disse "O' Baxirio, tu fai contra justixia e fai a mi iniuria, che mi non zei mai a ello, ma ello vègne a mi e me se offersse tuto negando Xe., e vete la scritura che ello me fè de soa man."
E messê san Baxirio disse: "E' non calerò mai de orâ fin che ti non me averai reiza questa carta."
E messê san Baxirio orando, vixibermenti questa carta, vorando per le aire, a ge vègne in man. E preiza la carta ello la strassà, e pöa o se misse a dî la santa messa e asorvè questo de le soe peccae e dège la santa comìniga, e pöa diligentementi o l'ameistrà de quello che ello aveiva a fâ e si lo reize a la soa dona cossì libero.
E pöa messê san Baxirio fè monti miracori e passà de questa vita a II-VIII de zugno.
A honô e a gloria de lo gloriozo messê Ihu. Xe. e de la soa Maire e de messê san Baxirio.
Amen.
Grigörio nassè de la generaciom de li senatoi de Roma e ave um paire lo quâ avea nome Goardiano, e la maire avea nome Salvia. E ello fo somo filozofo e era monto richo de le divicie tenporae. E seando morto lo paire, ello se fè monego, e ogni cossa che ello aveiva o la dè a li poveri de Xe.. E fè VI monestê in Seceiria e um in la citae de Roma, in lo quâ ello preize l'abito monasticho. E seando monego ello prevègne a gram preffeciom de relegiom, si che lo papa, odando de la soa bona conversaciom, si lo trè de lo monestê e fèllo diacono e pöa cardenâ.
E in quello tenpo lo fiume de lo Teivaro cressè a tar forma che ello andava super le mure de la citae e destrusse monte caze e paraxi. E lantor per quello fiume e' l'aparsse monti serpenti, e inter li atri e' l'aparsse um grande dragon chi parea che o zeisse zuza fin in mar, e butandosse in mâ parea che tuto lo mâ se afogasse e cossì a butà monti sussi inver tera, e per la spussa de questi animai morti tute le aire fon corote e nassè una pessima piaga, la quâ se ihama lengonaga, e de sorve le aire vegniva una saita a modo de um folgoro, la quâ era vixibermenti vista e la quâ ociva monta gente, e in quella hora a l'ocize papa Pellagio. E semegeivementi in quella hora morì monta gente, che monte possesiom romazem senssa segnor. E monta gente perivam in quello tenpo. E stagando una figa[sic] san Gregorio a l'oraciom con monti poveri, subitamenti o ne morì LII-.
Or persochè la Zexia de Dee non poiva stâ senssa pastô, tuti li iherexi e lo pövo de Roma elezèm san Gregorio per papa, ma a so elle[sic] ge contrava so che ello poiva. Or seando ello staito elleto pastô per la Zexia e non sesando quella pestelencia ello congregà toto[sic] lo pövo e li ameistrà in lo timô de Dee, e ordenà una prosessiom con le letanie, e ordenà che tuto lo pövo devesse demandâ mizericordia a Dee. E seando tuto lo pövo a l'oraciom con tanta crudellitae pu o
