 |
Questa pagina a no l'è stæta corretta. | |
O fo um monego a chi tute le viande ge pareivam àspere e ree, si che a peña o le poiva reseive ni retegnî, e una nöte o ge aparse la biâ Vergem Maria e si ge disse: "Li bochoim de lo to pan si li tenzi dentro sangoe de lo mê Figiör, e tute le viande aspere e amare te paràm dosse e suave". E lantora menà questo zovem davanti l'inmagem de lo so Figör chi era sum la croxe, e lo monego contemprando tenza[sic] lo bocho[sic] de lo pan, e parsege dapöa de bonissimo condimento, e quelle cosse chi avanti ge pareivam aspere e amare, ge parssem dapöa dosse e suave per amô de la biâ Vergem Maria.
Um inpenzeao abiando in grande reverencia la biâ Vergem Maria, si la inpenzea in ogni parte de li pu belli colori, e megoî che ello poisse trovâ, e a pê de ella o ge inpenzeiva lo demonio pu crudementi e soso che ello poiva, e con denti agucissimi e soso e carne feroze, si che chi lo veiva o ge metea pencer. E seando lo demonio de questo monto turbao, aparsse a questo quano[sic] o l'inpenzeiva e dissege: "Dime per che caxom ti me fai tanto viteperozo, e quella de Maria fai tanto resprendente e bella". E l'inpenzeao ge respoze: "Persochè o te dexe questo, e si ai ogni vitiperio como ti ai in persona". E quando lo demonio inteize so, si se deliberà de fâ quello per che ello era vegnuo, soè de fallo caze de quella atessa unde ello era, e cazando in terra tuta la mura unde ello stava, o romaze apichao in aire, e fo sostegnuto da la Vergem Maria, fin a tanto che ello fo sostegnuo sensa avei nissum mâ, e a questo calmo de questo mirachuro monta gente ge vègnem corando, e cheite che una dona lassà um so figör iaxei inter una cadera sorve lo fögo piña de aigoa con la qua o lo lavava, e corsse per devociom per vei questo mirachoro, e depoî grande ora retornando a caza e trovà bogî fortementi la cadera, e in quello lo fantin stage sam e salvo, unde ella vegando questo a fo fortementi maravegea[sic] e de questo miracoro per grande alegressa a se n'alegrava con una bella dona chi era aparssua lì, quaxi in goardia de lo fantin. E questa era la biâ Vergem Maria, la qua, consignao lo fantin, se partì e desparsse de lì.
O fo um vescho lo qua avea nome Beneito e lo qua avea in grande devociom la biâ Vergem Maria, e spesso o l'orava stagando in la zexia per tuta la nöte in devociom e in lagreme. E a questo la Vergem Maria se demostrà in questo mirachullo. Stagando in um canto e orando, si ge parsse che le porte de la zexia fossem averte, e vi vegnî lì um grande lume e deperzente o vi una processiom in la qua eram angeri e archangeri e apostori e martori e conffesaoi e vergine, e derê g'era la Vergem madona santa Maria, e quando elli fon tuti inter la zexia, deprezente e' se revozèm inver la nostra Dona, e ella comandà che elli selebrassem la messa. E alaora um de li angeri demandà: "Chi la dè selebrâ?". E la nostra Dona respoze: "Beneito vescho, lo qua è inter lo canto, si la selebra". E deprezente o fo menao da li angeri a la Vergem Maria, e ella si arvì una cassia, la qua ella avea aduta da pareizo, e trène föra monti belli paramenti, de li quai li angeri paràm questo vescho, e selebrà la messa. E dita la messa la nostra Dona disse a Beneito che ella ge vorea lassâ quelle vestimente in segno de amistae. E incontenente a desparsse de lì.
Anchora o fo um preve in una terra monto devoto de la biâ Vergem Maria. E questo non rieiva mai. E una fiâ, digando la soa messa e vozandosse inver lo pövo per dî "dominus vobiscon", e incontenente o rize. E dita la messa o ge fo demandao perchè ello avea rizo. Lo quar respoze: "E' vi lo demonio sorve una sedia seze e scrive tute le parolle che le femene dixam in zexia. E quando ello ave conpia tuta la carta de scrive, si la tirava con li denti perchè ella se alongasse, cossì como fam li caregai de li casai, e tirando cossì fortementi o ferì de la testa contra le mure, e de lo corpo o lassà la forma de la testa inter lo mû, e per questo e' rixi".
O se leze de um santo paire che stagando ello inter la soa sella, subitamenti o vi troim e tenpesta e folgori grandissimi, si che o non n'aveiva mai de tai, e de so dagandosse maravega, ello odì pöa una voxe chi la fè tuta sesar, e dexirando de savei che cossa era questa, o l'incomessà[sic] a pregâ a lo nostro Segnor Dee chi ge piaxesse
