 |
Questa pagina a no l'è stæta corretta. | |
demo zuigâ lo peccao ni eciamdee lo justo, ma e' se demo zuigâ noi mesmi e non atri, soè che o dixe che lo homo vè la buscha che so frai a inter lo ögio e si non vè lo travo che l'a inter lo so, e in questo ti pöi vei che l'inpocrixia te mostra esse ipocrirto e si te mostra vorei fâ justo rezimento. Levate avanti lo travo che ti ai inter lo to öiho, so è a dî che lo homo se dè avanti zuigâ lê mesmo cha zuigâ a tri e goardâ quanto è mao um travo cha una buscha.
E Davit proffeta dixe: "E' foi zuxe de justixa, e persò e' non temo de esse reputao da li maoi", so è a dî, piaschum chi vö esse reto e meistro de atri dè avanti fâ tâ zuixo in lê mesmo, che ello como justo possa zuigâ atri.
E sam Pero dixe: "Mi castigo lo mê corpo e si lo sotemeto a la raxom, asochè quando e' verò a reprende atri, che non possa esse repreizo mi."
E santo Agustin dixe: "Chi bem dixe e mâ fa, non po reprende salvo lê mesmo". Per che e' demo savei chi nissum non dè zuigâ atri, salvo per cinque modi: lo promê, zuigâ quello che o sa de certo; lo secondo, de quello de che e' l'è obrigao de zuigâ; lo tersso, che zoa a zuigâ; lo quarto, che lo homo zuige tanto quanto e' l'è integnuo de zuigâ; lo quinto zuixo è zoigâ cossì l'um como lo atro secondo de che lo homo è degno. E otra queste condecioim lo homo chi zuiga si pecca mortamenti.
Anchora lo homo dè esse aparegiao de schuzâ quello chi è zuigao a torto e de perdonâ quello chi fosse amendao, e questo è quello che Xe. disse: "Non zoigâ atri e si non sarai zoigao."
E santo Anbröxio dixe che ogni hövera che fa lo homo è tanta acepta a Dee quanto è la intenciom de quello chi la fa, persochè Dee soramenti è quello chi sa la intenciom de lo homo, e si è quello chi dè zuigâ ogni persona.
Lo vigeximo terso grao si è bon exenprio.
Lo tersso vigeximo grao si è bon exenprio, de lo quâ Xe. disse in lo Evangerio: "E' ve dago lo exenprio, che cossì como e' fasso a voi, che voi faciai a atri." E in um atro lögo o dixe che la nostra luxe luxe cossì davanti li homi, che elli veg[e]m la nostra bona hövera e che glorifichem lo Paire chi è in cell.
E san Poro dixe: "Non calli de fâ bem davanti da Dee e davanti a li homi", so è a dî, piaschum dage bom exenplio quanto o po e sa. E questo per tre raxoim: la promera, asochè ello sea beao da Dee; la seconda, che ello abia parte in tuti li bem che atri fam a exenprio de ello; la terssa, per amô de lo prossimo, asochè o ge possa zoâ a la soa sarvaciom. De chi mostra fâ bem e per atra intenciom o perde lo merito de lo regno de cell. De so che dixe Xe. de lo farixê, chi fava si bella aparenssa e si avea za resevoto lo so premio, persochè o non lo fava per atra intenciom salvo per esse honoro[sic] e reverio da lo pövo, e de quello o non n'aspeta atro premio cha da lo homo.
E santo Agustin dixe: "Che niguna persona non se teme de fâ bem pareizementi, pu che o lo fassa per amô de Dee. E persò, se te cheisse esse alchuna vota a l'oraciom, ò a atro bem fâ, ò in atro lögo unde ti faci bem, in lo quâ lögo quarche persona te ge sorvavegnisse, non lassâ persò de fâ bem, pöa che per quelli ti non incomensasti, avanti ti te ne pöi alegrâ de lo bon exenprio che ti dai a lo prossimo, asochè quella tâ persona sea mao."
E san Jeronimo dixe tanta fiâ o merita lo pareizo e cossì per lo contrario, che quando lo homo dà lo rê exenprio, tâ fiâ o merita la morte.
E san Grigö dixe che lo merito de lo homo cresse tanto quanto sum le persone a chi o dà lo bon exenprio, ò sea bon consegio.
E san Sidero dixe che se li boin homi pigiassem da ti bon exenprio, a ti non zoa niente.
E santo Anbröxio dixe che le vite de li santi pairi sum scripte asochè la gloria ge cresse, e cossì li boim exenprij li quë no veñem mai men in ceculla cecullorum.
Amen.
Lo vigeximo quarto gao[sic] si è vexitâ li infermi.
Lo vigeximo quarto grao si è vixitâ li infermi, de lo que [sic] Xe. disse in lo Evangerio che a lo dì de lo zuixo o dirà: "E' foi infermo e voi me vexitasti o non e de questo o darà gloria a chi l'am faito."
E san Jeronimo dixe che relegiom monda e inmachullâ apè de Dee Paire si è vexitâ li infermi, le vidoe, li orfani in le lor tribulacioim e goardasse da ogni machulla.
E san Jeronimo dixe che e' l'è ta chi abandona lo so prossimo in la soa necessitae cossì como o negasse Xe. Anchora o dixe che quatro infirmitae pörem vegnî a lo homo, le quë noi semo obrigë a vexitâ: la promera, quando lo homo è infermo de la anima per peccao, alaora e' lo demo vexitâ pregando Dee per ello; la seconda infirmitae si è quando lo homo mancha de seno, alaora lo demo vexitâ de lo bon consegio; la terssa infirmitae è quando lo prossimo è senssa roba, alaora e' lo demo vexitâ con le nostre vestimente e cossì de tute le atre cosse nesesarie; la quarta infirmitae si è de la la infirmitë corporâ, in la quâ e' lo demo vexitâ con la lengoa a confortandollo e aiallo con la persona.
Lo quinto decimo vigeximo grao è a andâ a le zexe.
Lo vigeximo quinto grao si è andâ a le zexe, e de questo Xe. ne dà lo exenprio in lo Evangerio quando ello ze a orâ a lo tenpio, e anchora o vegniva ogni ano a Nazaret
