 |
Questa pagina a no l'è stæta corretta. | |
l'öa chi arriva in t'ûn momento,
e poi... scappa comme o scento.
Scappa l'öa... Se m'arregordo
quello tempo zà lontan!...
e no poeì virâ de bordo,
perché m'ha piggiôu de man
ûnn-a brûtta lebecciadda
ch'a m'ha misso fêua de stradda.
Cöse gh'é? - tè! l'öa chi passa
a me fava perde o fî:
çigaa, torna ä tò carassa,
e ripiggia o tò gri-gri:
e se dixan: brûtto verso!
no piggiâ, çigaa, o reverso.
Fa rivive, in mëzo ä noja,
i bordelli de quelli anni;
ti reciamma ä mæ memoia,
fa che vegne meghi e xanni
(tûtte lengue de battoezo)
ûnn-a votta ancon a mëzo:
e cö meizao (cäo malocco)
e cö meizao biricchin
famme ancon sentî ûn reciocco
do vivace strapuntin,
