 |
Questa pagina a no l'è stæta corretta. | |
Ûnn-a votta de sti giorni
gh'ëa pe Zena ûn pö de sciato;
ne vegniva da-i dintorni,
dä rivea ghe fava ûn säto
chi aiva da bûttâse via
quattro södi in compagnia:
e pe-a göa do carrossezzo,
pe passâ a nêutte a-i veglioin,
comme o pescio o va a-o brûmmezzo,
comme cöre l'ægua a-o moin,
camminavan tûtti a Zena
co-a Margaita e co-a Manena.
Che bordello! che borboggio!
che allegria! che ramaddan!
a pûgnatta a l'erze o boggio:
tûtti cöran, tûtti van
zû a derrûo, dosso bordosso,
comme i chen apprêuvo a ûn osso.
Se scordava tûtto allöa,
crûzî, penn-e, diai, malanni;
se ciappava a-o volo l'öa
che da sola a vä mill'anni,
