 |
Questa pagina a no l'è stæta corretta. | |
fa che sente in bon zeneize
sbraggiâ: - fæ röso a-o marcheize!
e no manche a cansonetta,
peive e spezie, do paisan,
nè a politica riçetta
do dottö, do ciarlattan,
e me digghe forte a sò
l'elegante dominò.
Quanti amixi, quante facce
che a sò tempo saivan rie!
tipi allegri, belle macce,
aoa tûtte scolorie;
arlicchin, meizai, paisen....
ma!... chi é raozo e chi é a Staggen.
Sorva tûtte a tò figûa
sempre in chêu, Pippo, me ven:
ti batteivi a tûtti a pûa,
ti ei o rè ti di Paisen,
ti fedele scinn-a ä fin
a-e dottrin-e de Mazzin![1]
Cöse diggo? - l'öa chi passa
a m'ha fæto perde o fî...
çigaa, lascia sta carassa,
- ↑ Giuseppe Pessale che faceva con molto spirito e molto brio la maschera del Paisan ed era ricercatissimo nei geniali ritrovi: visse e morì nella fede mazziniana.
