 |
Questa pagina a no l'è stæta corretta. | |
Oh ma viva sti Zeneìxi
Degno sangue de Marcheìxi,
Veri sûdditi da baxi,
Gente paga-mangia-taxi
Da tegnîse governæ
Con ben poca abilitæ!
Ah! lascæme un pö montâ
Drito in pê in sce-o banchettin
Che me-i posse ûn pö squaddrâ
Questi belli Çittadin
D'ogni razza, e d'ogni sesso
Tûtti a l'ombra do progresso!
– L'è chi giûsto onde ve voeìva
Quande meno me-o creddeìva!
Quelli bestie che caminn-an
Per de neûtte e de giornæ,
Che s'amassan, s'arrampinn-an
Sciû pe-i bricchi e pë montæ
Camallando macchinette,
Album, lapis, tavolette,
Poi percöse? – pe attrovâ
Qualche vista da copiâ,
Qualche paise, qualche cian
Pin de nûvee, e dâ lontan,
