 |
Questa pagina a no l'è stæta corretta. | |
Di galeotti in preboggion,
Di assascin co-e arme ä man,
Ninte i schitti de Caignan,
Ninte e sciamme a-i bastimenti,
Ninte i fûrti, i fallimenti,
Nè o serrâ di bûtteghin,
Nè o gran cànone ìn sce-o vin...
– Cöse diggo? – ë apprenscioîn
Pe-i foghetti de Mazzin,
Pë gren visite in te stacche
In te braghe, in te trabacche,
Pë gren arme sequestræ
Careghæ, descareghæ,
Sempre e mæxime pe ûn caxo,
Tûtti i giorni in faccia a Paxo:
Pë gren minn-e pratichæ
Finn-a drento in ti stivæ
E in te cantë a-i ghirindoin
Di dormenti Çittadin,
(Coscì dixan e Gazzette
Do mæ cäo çinquantesætte)
No v'han fæto a quanto pâ
Perde a vêuggia de mangiâ!
