Pagina:G. Peragallo - Poesie - 1870.djvu/31

Da Wikivivàgna

— 29 —

« Ah sciollo! i êuggi
« Te fan ciæbelle;
« Quelle en medagge,
« E no son stelle ».
Ah goffo! primma
De parlâ senti
O risûltato
Di esperimenti.
I megio astronomi
Rûsci, Italien,
Françeixi, Ingreixi,
Americhen,
Che vegnûi orbi
Da-o gran stûdiâ,
Ne-a lûnn-a i ommi
Han visto sghêuâ;
Che senza aggiûtto
E senza bänsa,
Peizan Mercûrio
D'in ta sò stansa;
Che ve mezûan
Orbite, elissi,
Che ve predixan
Tempeste, eclissi,
Sconvolgimenti
Do Çê e da tæra,
Pèste, contaggi,
Malanni, guæra;
Scì, questi astronomi
Mæximi sûando,