 |
Questa pagina a no l'è stæta corretta. | |
— 28 —
I êuggi guersci
Te fan ciæbelle.
Scignori, ammiemmo
Comme parlemmo,
Mi no son guerso,
Ni alluôu, ni scemmo.
Voei vedde a stella
Vegnûa da-o Çê?
Ve a là ch'a lûxe
Ne-o Cabarê.
Ve a là a mæ giöia,
Ve a là o mæ amô,
Ve a là a mæ Lûnn-a,
Ve a là o mæ Sô.
Vegni, avvixinite,
Stella diletta,
Vegni chì, appendite
A esta gassetta.
Vegni che pe aoa
Ti t'ê pösâ
Vëgnime, o stella,
A consolâ.
Vegni, fa presto,
Famme lûxî,
Se ciù ti tardi,
Me sento moî.
« Ah sciollo! » Amigo,
Erzi ûn pö o collo;
Chi ælo sto fûrbo
Chi dixe sciollo?
